Qəbələ rayon Mərkəzi kitabxanası

Qəbələ rayon MKS
Tədbirlər
19 Fevral , 2020

Beynəlxalq  Ana dili günü münasibətiylə  19.02.2020 – ci il tarixində Qəbələ rayon MKS – nin Oxu zalında  dəyirmi masa keçirildi.Dəyirmi  masada  MKS – nin işçi kollektivi  və kitabxanamızın fəal oxucuları iştirak edirdilər. Beynəlxalq  Ana dili gününə  həsr edilmiş tədbirdə qeyd edildi ki, dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.

Millətin dilinin dövlət dili statusuna yüksəlməsi tarixi hadisə, milli dövlətçilik tarixinin qızıl səhifəsidir. Bu məqam millətin millət olaraq təsdiqidir. Çünki dilin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda, dilinin zənginliyinin sübutudur. Bu mənada dilin dövlət dili statusu qazanması həqiqətən qürur gətirən tarixi hadisədir.Azərbaycan dili bu tarixi hadisəni yaşamışdır.

Fəal oxucular da öz çıxışlarında  bu mövzu haqqında geniş məruzələr səsləndirdilər.Və doğma dilldə səsləndirilən  şeirlər ilə tədbirimiz başa çatdı.

Foto Qalereya